Ամառային ոճային կերպարներ․ ինչպես եւ ինչ իրերի հետ համադրել երկարափեշ կիսաշրջազգեստները (ֆոտո)

14:27   21 հուլիսի, 2022

Հանգույցներով տոպ

957b8243087da5bac2d476807dfd64f5_cropped_666x832.jpg (150 KB)

Կիսաշրջազգեստի երկարությունը հավասարակշռելու գործում կօգնի հանգույցներով տոպը։ Այն ոչ միայն «համ» կհաղորդի կերպարին անկեղծ ձեւվածքի շնորհիվ, այլ նաեւ լրացուցիչ կընդգծի գոտկատեղը՝ անսովոր քուղերի շնորհիվ։

Կրոպ-տոպ

2eed1f4cd0fbd061582a4d8f583217bf_cropped_666x767.jpg (45 KB)

Ամառվա համար շահեկան համադրություն է մաքսի կիսաշրջազգեստն ու կարճ տոպը։ Նման համադրությունը կերպարին սեքսուալություն կհաղորդի եւ շատ հարմար է շոգ օրերի համար։ Տոպի կտրվածքը կարող է լինել բացարձակապես ամեն տեսակի․ օրինակ, տրիկոտաժե կիպ մոդելի տոպը լուքն ավելի առօրյա կդարձնի, իսկ ատլասե, ազատ ձեւածքի տոպը՝ ներքնազգեստի ոճի կիսաշրջազգեստի հետ համադրված, կարող է փոխարինել երեկոյան զգեստին։

Փքված թեւերով տոպով

21964b7e0310cf55fe94a35b53e43c86_cropped_666x833.jpg (158 KB)

Մաքսի կիսաշրջազգեստը կարող է տեսողականորեն ավելի ծանրացնել կոնքերը, հատկապես, երբ խոսքը վերաբերում է գոտկատեղից ցածր մոդելներին։ Այս խնդիրը լուծելու համար կօգնեն փքված թեւերով տոպերը։ Դրանք ծավալ կհաղորդեն մարմնի վերին հատվածին եւ կստեղծեն ցանկալի ավազե ժամացույցի ուրվագիծը:

Վերնաշապիկով

3c5a72bbdb449de8b94f39131707a82e_cropped_666x833.jpg (176 KB)

Վերնաշապիկը կարելի է համադրել գրեթե ամեն ինչի հետ, եւ մաքսի կիսաշրջազգեստը բացառություն չէ: Բայց զգույշ եղեք՝ ավելի լավ է կոճկված ծավալուն մոդելներ չկրել՝ կիսաշրջազգեստի երկարության պատճառով այս որոշումը կարող է ձեր կազմվածքը վերածել ուղղանկյունի։ Բայց եթե վերնաշապիկը հանգույցով կապեք գոտկատեղի հատվածում կամ կրեք այն կրոպ-տոպի վրայից, կարող եք հարմարավետ ամառային աութֆիթ ստանալ: Որպեսզի լուքը ձանձրալի չթվա, իրերից մեկն ընտրեք վառ թրենդային երանգի։

Լուսանկարները՝ Սոցցանցեր



© NEWS.am STYLE