Շքեղ պալատ․ հայտնի է, թե ամուսնությունից հետո ուր են տեղափոխվել Ջենիֆեր Լոպեսն ու Բեն Աֆլեքը
11:11 24 հուլիսի, 2022Ջենիֆեր Լոպեսն ու Բեն Աֆլեքը երկար էին համատեղ բնակարան որոնում։ Նրանք ոչ մի կերպ չէին կարողանում գնել այն տունը, որը կհամապատասխաներ բոլոր պահանջներին։ Սակայն երկար որոնումներն ի վերջո արդյունք են տվել, եւ զույգը գտել է համապատասխան առանձնատունը։
Ըստ լուրերի՝ հարսանիքից հետո, որը կայացել է Լաս Վեգասում անցած հանգստյան օրերին, զույգը տեղափոխվել է Բեւեռլի Հիլզում գտնվող շքեղ առանձնատուն։ Ասում են՝ մինչեւ վերջերս այն պատկանել է Մրայա Քերիի նախկին սիրելիին՝ միլիարդատեր Ջեյմս Պեկերին; Նախկինում այնտեղ ապրել են նաեւ Դենի դե Վիտոն եւ նրա կինը՝ Ռեա Պերլմանը։
Հայտնի չէ, թե որքան գումար են վճարել Լոպեսն ու Աֆլեքը բնակարանի համար, քանի որ այն նույնիսկ վաճառքի չի հանվել։ Անշարժ գույքի փորձագետները հայտնել են, որ զույգն այն ձեռք է բերել փակ շուկայի միջոցով։ 2018-ին Պեկերին այն գնել է 60 միլիոն դոլարով, եւ մոտավորապես կարելի է կողմնորոշվել այդ գնի օգնությամբ։
Առանձնատունն ունի բոլոր զվարճանքներն ու հարմարությունները ցանկացած ճաշակի համար՝ տնային կինոթատրոն, գեղեցյության սրահ, մարզասրահ, սրահ զվարճանքների համար, գինու մառան, մեծ լողավազան եւ մի քանի հյուրատուն։
Ակնհայտ է, որ ամուսինները տուն են ընտրել, որը հարմար կլինի ոչ միայն իրենց, այլեւ նախկին հարաբերությունների ընթացքում ծնված երեխաներին։ Թեեւ Աֆլեքի երեխաներն ապրում են իրենց մոր՝ Ջենիֆեր Գարների հետ, նախկին ամուսինները նրանց միասին են դաստիարակում, եւ Բենը նրանց հետ շատ ժամանակ է անցկացնում։