Gucci-ն թողարկել է «հնության» հոտով մոմեր
18:19 28 հուլիսի, 2022Իտալական Gucci նորաձեւության տունը թողարկել է սպասքի եւ ինտերիերի իրերի նոր հավաքածու։ Այս մասին հայտնում է Robb Report-ը։
Հավաքածուն ներառում է ինչպես կահույք, այնպես էլ դեկոր եւ սպասք։ Ապրանքանիշի ֆիրմային մոմերը ճենապակյա տարաների մեջ թողարկվում են նոր բուրմունքներով՝ լոլիկի տերեւներ, մամուռ եւ հնություն: Առաջին անգամ մոմեր կարելի է ձեռք բերել նաեւ թիթեղյա տարաներով։
Կենդանիներով եւ ծաղիկներով պրինտներ կարելի է տեսնել բրենդի տեքստիլում՝ բարձերի, ծածկոցների, պաստառների եւ աթոռների կտորների վրա։
Սպասք կատեգորիայում թարմացվել են բյուրեղյա բաժակները եւ դանակները՝ մեղվի ու առյուծի ֆիրմային դիզայնով: Հավաքածուն ներառում է նաեւ արծաթե սկուտեղների երկու հավաքածու՝ փորագրություններով։