Forbes-ի վարկածով Խոսրովի արգելոցը Կովկասի հինգ բնական հրաշքների ցանկում է
13:01 2 օգոստոսի, 2022«Խոսրովի անտառ» պետական արգելոցը եւ «Դիլիջան» ազգային պարկը ներառվել են Forbes-ի՝ Կովկասի բնության հրաշքների ցանկում։
Ինչպես նշվում է հոդվածում, ողջ Կովկասյան լեռներում բացօթյա արկածների եւ էկոտուրիզմի հնարավորությունների պակաս չկա, որոնցից կարելի է օգտվել այս լեգենդար տարածաշրջան այցելելիս:
Հայտնի է, որ առաջին ազգային պարկը ստեղծվել է 1872 թվականին, Հայաստանի «Խոսրովի անտառ» պետական արգելոցը մոտ 1500 հին է Յելոուսթոունից։
Հոդվածի հեղինակն ասում է, որ արգելոցը հարուստ է բուսական ու կենդանական աշխարհով։
«Գորշ գայլերը, եվրասիական լուսանը եւ շագանակագույն արջերը շրջում են այգում, եւ հաջողակ այցելուները կարող են տեսնել Հայաստանում ապրող պարսկական ընձառյուծներ», - նշվում է հրապարակմանը մեջ։
Առանձին հիշատակվում է նաեւ «Դիլիջան» ազգային պարկը, որն իր մեջ ներառում է ընդարձակ անտառներ, տեղական կենդանական աշխարհ եւ դարավոր կառույցներ հենց Հայաստանի սրտում։ Չնայած տարածաշրջանը լի է հայկական տիպիկ կաթնասուններով, թռչուններով եւ երկկենցաղներով, զբոսաշրջության ամենանշանավոր գրավչություններից մեկն այնուամենայնիվ տեղի բնակիչներն են: Դիլիջանում են գտնվում մի շարք պատմական կրոնական շինություններ, այդ թվում՝ Հաղարծին վանքը, ինչպես նաեւ Գոշավանքը՝ 800 տարի առաջ կառուցված հսկայական համալիրը: