Համացանցում են հայտնվել Pink PP Valentino-ի 2022 թվականի աշնանային նոր գովազդային արշավի առաջին լուսանկարները, որոնց դեմքերն են դերասանուհի Զենդայան եւ Ֆորմուլա 1-ի աշխարհի յոթակի չեմպիոն Լյուիս Հեմիլթոնը, հայտնում է WWD-ն։
Նորաձեւության տան գեղարվեստական տնօրեն Պիերպաոլո Պիչոլին գունապնակը կրճատել է մեկ երանգով՝ այն անվանելով սիրո, համայնքի, էներգիայի եւ ազատության գույն։
«Մի գույն, համարձակ, ուժեղ, էքստրավագանտ։ Մեկ գույն՝ ամփոփելու այն ամենը, ինչ սիրում եմ նորաձեւության մեջ եւ այն ամենը, ինչ գերադասում եմ ներկայացնել. ազատագրում սովորականից: Pink-ի` որպես արգելք կոտրող գաղափարը ծնվել է շատ վաղուց: Իմ աշխատանքում ես պետք է կարողանամ պատմել եւ կիսել իմ արժեքները մեկ կերպարով», - բացատրել է դիզայները: