Արքայազն Հարին երկրորդ դատական հայցն է ներկայացրել բրիտանական կառավարության դեմ․ պատճառը բրիտանական իշխանությունների որոշումն է՝ անվտանգության ծառայություն չհատկացնել նրա ընտանիքին։ Սասեքսի դուքսը բողոք է ներկայացրել նաեւ Սքոթլանդ Յարդի դեմ, հայտնում է Daily Mail-ը։
Դատարանի գրասենյակը հաստատել է, որ հայցը ներկայացվել է, սակայն գործի ելքի մասին դեռ վաղ է խոսել։ «Այն վաղ փուլում է, լսումներ չեն նշանակվել, որոշումներ դեռ չեն կայացվել»,- նշել են պետական մարմնի պատասխանատուները։
Սասեքսի դուքսի դժգոհությունը կապված է ավելի վաղ կայացված դատարանի որոշման հետ, ըստ որի՝ նա եւ նրա ընտանիքը զրկվում են պետական շուրջօրյա պաշտպանությունից։ Դա տեղի ունեցավ, երբ արքայազն Հարին եւ Մեգան Մարքլը 2020 թվականին հրաժարվեցին արքայական ընտանիքի անդամների պաշտոններց: Հարին նշում է, որ չնայած ինքը հրաժարվել է բոլոր պետական պարտականություններից, իրեն շարունակում է վտանգ սպառնալ։ Արքայազն Հարիի փաստաբան Շահիդ Ֆաթիման նույնպես նշել է, որ նա «իրեն ապահով չի զգում», երբ տուն է բերում դստերն ու որդուն՝ մեկամյա Լիլիբեթին եւ երեքամյա Արչիին։
Աղբյուրը՝ RBC
Լուսանկարը՝ Chris Jackson/Getty Images