Պրոդյուսեր Իոսիֆ Պրիգոժինը քննադատել է երգչուհի Օլգա Բուզովայի գործունեությունը։ Նրա կարծիքով՝ Բուզովան չպետք է երաժշտական առումով ազդի հանրության վրա, առավել եւս իր աշխատանքով ձեւավորի հանրության երաժշտական նախասիրությունները։
«Օլգա Բուզովան ինձ ոչ մի վատ բան չի արել, անձամբ նրան նորմալ եմ վերաբերվում։ Բայց ինձ զայրացնում է, որ երբ նրան ներկայացնում են որպես անհատականություն, որը երաժշտական ճաշակներ է ձեւավորում: Ես դաստիարակվել եմ այնպիսի երաժիշտների ստեղծագործություններով, ինչպիսիք են Սթինգը, Մայքլ Ջեքսոնը, Լուչիանո Պավարոտին։ Ես երաժշտության մեջ արվեստի կողմնակից եմ»,- նրա խոսքերը մեջբերել է Teleprogramma.pro-ն։
Պրոդյուսերի խոսքով՝ օրինակելի է երգիչ Օլեգ Գազմանովը։ Հենց այդպիսի արտիստը պետք է առաջատար դիրք զբաղեցնի հանրային երաժշտական ճաշակի ձեւավորման գործում։ Նրան նման առավելություններ տալիս է հայրենասիրական երգերի կատարումը։ Պրիգոժինի կարծիքով՝ երաժշտական հարթակ են ստեղծում հենց Գազմանովի նման արտիստները։
Բայց Բուզովայի երկրպագուների մի զգալի մասը կարող է չհամաձայնել երգչուհի Վալերիայի ամուսնու կարծիքի հետ։ Այս պահին երգող հեռուստահաղորդավարուհին հետեւորդների թվով ռեկորդակիր է՝ 16 միլիոն:
Աղբյուրը՝ 5-tv.ru