Քիմ Քարդաշյանի կրտսեր քույրը՝ Քլոեն, եւ նրա նախկին սիրեցյալը՝ Թրիստան Թոմփսոնը, պայմանավորվել են, թե ինչպես են դաստիարակելու ընդհանուր երեխային։ Երեխան ծնվել է ոչ վաղ անցյալում՝ փոխնակ մոր օգնությամբ։
HollywoodLife-ին հայտնի է դարձել, որ նախկին սիրելիներն արդեն ստորագրել են խնամակալության պայմանագիր։
«Նրանք որոշել են, որ Քլոեն կունենա իրենց երեխայի միակ օրինական եւ ֆիզիկական խնամակալությունը մշտական հիմունքներով: Իսկ Թրիստանը կարող է երեխայի հետ այնքան ժամանակ անցկացնել, որքան ցանկանում է։ Այժմ նա ավելի քան երբեւէ ուրախ է երեխայի ծնունդով, ուստի փորձում է նաեւ հոգ տանել որդու մասին»,- հայտնում են աղբյուրները։
Հիշեցնենք, որ Քլոեն եւ Թրիստանը բաժանվել են 2019 թվականին՝ բասկետբոլիստի դավաճանության պատճառով։ Բացի նորածին որդուց, զույգն ունի մեկ դուստր՝ Թրուն։