Քանյե Ուեսթը նոր ընկերուհի ունի՞
20:14 13 օգոստոսի, 2022Քանյե Ուեսթը գիտի՝ ինչպես բոլորին ստիպել խոսել իր մասին։ Մեկ շաբաթ առաջ ռեփերը սկանդալ է բարձրացրել Քիմ Քարդաշյանի եւ Փիթ Դեւիդսոնի բաժանման մասին իր հայտարարությամբ։ Հիմա արդեն տպավորություն է, որ երաժիշտը վերջապես հաղթահարել է իր ու Քիմի բաժանումը եւ պատրաստ է նոր հարաբերությունների։
Երեկ Քանյեին նկատել են Մալիբուում գտնվող իր տան տարածքում։ Պապարացիները Ուեսթին լուսանկարել են խորհրդավոր անծանոթի ընկերակցությամբ։ Վերջինս փորձել է Balenciaga-ի ակնոցի օգնությամբ թաքցնել դեմքը լուսանկարիչներից, սակայն լրագրողները պարզել են աղջկա անունը։ Ռեփերի ուղեկիցն OnlyFans-ի մոդել եւ ինֆլյուենեսեր Մոնիկա Կորգանն էր։
Ի դեպ, առաջին անգամ չէ, երբ Քանյեին նկատում են նրա ուղեկցությամբ։ Ամռան սկզբին զույգը միասին է գնացել Թոմ Քրուզի մասնակցությամբ «Թոփ Գան, Մեւերիկ» մարտաֆիլմի պրեմիերային։ Լրատվամիջոցները սկսել էին խոսել այն մասին, որ ռեփերի եւ մոդելի միջեւ կարող է լինել ավելին, քան պարզապես ընկերությունը։
Աղբյուրը՝ Peoplealk