«Հարի Փոթերի» հեղինակ Ջոան Ռոուլինգին սպառնացել են սպանել, երբ նա Twitter-ում աջակցել է հարձակման արդյունքում վիրավորված գրող Սալման Ռուշդիին։ Նա հայտարարել է, որ դիմել է ոստիկանություն։
Ռուշդիի վրա հարձակումից հետո Ռոուլինգն իր միկրոբլոգում գրել է. «Սարսափելի նորություն։ Ես ինձ շատ վատ եմ զգում։ Թող նրա հետ ամեն ինչ կարգին լինի»։ Դրան հաջորդել է մեկնաբանությունը․ «Մի անհանգստացիր. հաջորդը դու ես»։
Բրիտանական Daily Mail-ի փոխանցմամբ՝ գրողը սպառնալիքներ է ստացել ծայրահեղականից, որը համակրում է «Սատանայական բանաստեղծություններ» գրքի հեղինակի մահափորձի մեջ կասկածվողին։
Ուրբաթ օրը Ռուշդիին հարձակման է ենթարկվել ինստիտուտի բեմում՝ Նյու Յորք նահանգում իր ելույթից առաջ։ Ոստիկանության ներկայացուցիչ Եվգենի Ստանիշեւսկին հայտնել է, որ գրողն առնվազն դանակի երկու հարված է ստացել՝ պարանոցի եւ ստամոքսի շրջանում։
Աղբյուրը՝ «ՌԻԱ Նովոստի»
Լուսանկարը՝ Justin Tallis/ AFP/Getty Images