Ռոբերտ Դե Նիրոն միանգամից երկու գլխավոր դեր կխաղա գանգստերների մասին պատմող դրամայում

Օսկարակիր Ռոբերտ Դե Նիրոն միանգամից երկու գլխավոր դեր կխաղա «Իմաստուն տղաները» («Wise Guys») գանգստերական դրամայում։ Այն կնկարահանի Բարրի Լեւինսոնը: Այս մասին հայտնում է The Hollywood Reporter-ը։

Սյուժեի կենտրոնում իտալա-ամերիկյան հանցավոր ղեկավարներ Վիտո Ջենովեզեի եւ Ֆրենկ Կոստելոյի «հակամարտությունն» է։ 1957 թվականին Ջենովեզեն փորձում է սպանել Կոստելլոյին, սակայն չի հաջողվում։ Հատկանշական է, որ երկու դերերն էլ Դե Նիրոն է կերտել։

Սցենարի վրա աշխատում է Նիկոլաս Պիլեջին։ Իսկ նախագծի պրոդյուսերն Իրվին Ուինքլերն է։

Հիշեցնենք, որ Ռոբերտ Դե Նիրոն միացել է ռեժիսոր Մարտին Սկորսեզեի «Ծաղկե լուսնի մարդասպանները» ֆիլմի դերասանական կազմին։ Դրա պրեմիերան կկայանա 2023 թվականին։