Դերասանուհի Սալմա Հայեքը կարող է միանալ «Սեւ հայելի» սերիալի վեցերորդ եթերաշրջանի նկարահանումներին։ Բացի Հայեքից թիմին հնարավոր է միանա նաեւ Էննի Մերֆին։ Այս մասին հայտնում է Variety-ն։
Ավելի վաղ դերասանական կազմ էին մտել Ահարոն Փոլը, Ջոշ Հարթնեթը, Քեյթ Մարան, Զազի Բիթզը եւ Ռորի Կալկինը։
Առաջին անգամ «Սեւ հայելի»-ի երկարացման մասին հայտնի դարձավ այս գարնանը։ Սեզոնը կունենա վեց սերիա։ Շոուրաների դերում հանդես կգա Չարլի Բրուքերը։
Ժապավենը պատմում է մութ ապագայի մասին, որում տեխնոլոգիան ստրկացրել է մարդկությանը: Վեցերորդ եթերաշրջանի թողարկման ստույգ ամսաթիվը չի նշվում։ Այժմ Հայեքը նկարահանվում է «Առանց արյան» թրիլլերում՝ Անջելինա Ջոլիի նոր ռեժիսորական աշխատանքում։
Աղբյուրը՝ Film.ru