Ինչպիսի բաճկոններ նորաձեւ կլինեն 2022 թվականի աշնանը (ֆոտո)

Տվիդե բաճկոն

Շատ աղջիկների համար տվիդե բաճկոնը համարվում է բացարձակ ֆավորիտ, քանի որ հենց Կոկո Շանելն է մտածել այս մոդելը։ Դրանում համատեղվում է լակոնիկությունն ու էլեգանտությունը՝ հիանալի տարբերակ կանացի կերպարների սիրահարների համար: Նախկինում նմանատիպ մոդելը կրում էին նույն գործվածքից պատրաստված կիսաշրջազգեստի հետ, սակայն ավելի ուշ պարզ դարձավ, որ այս բաճկոնը հիանալի կերպով համադրվում է բացարձակապես ամեն ինչի հետ։ Սակայն 2022 թվականի աշնանը տվիդե կոստյումի դասական տարբերակն ավելի ակտուալ է, քան երբեւէ։

Վանդակավոր պրինտով բաճկոն

Ոմանք վախենում են նման պրինտից, քանի որ այն կարող է տեսողականորեն գիրացնել, բայց ամեն ինչ կախված է դրա չափից: Մի խուսափեք մանր վանդակավոր պրինտով բաճկոններից՝ սա փարիզուհիների սիրելի նախշն է, որն ավելի «թանկ» տեսք է հաղորդում ստանդարտ բաճկոնին։ Կարեւոր է ընտրել ճիշտ հանդերձանք, որպեսզի կերպարը ներդաշնակ տեսք ունենա։

Կարճ բաճկոն

Կարճ բաճկոնը հատկապես տպավորիչ է թվում առօրյա կերպարներում: Կարեւորը՝ ճիշտ համադրությունն է, որպեսզի չփչացնեք ընդհանուր տեսքը: Կարճ բաճկոնը համադրեք բարձր գոտկատեղով կամ ջինսե տաբատի հետ: Եթե ցանկանում եք ընտրություն կատարել կիսաշրջազգեստի կամ զգեստի օգտին, հետեւեք լուսանկարի կերպարին։ Կարեւոր է չծանրացնել աութֆիթը օվերսայզով։

Կաշվե բաճկոն

Կաշին այս սեզոնին դարձել է նորաձեւության օրակարգի առաջատարներից մեկը։ Գործնական եւ տաք կտորը եղանակային մռայլ պայմաններում համարվում է ոճային լուծում ամեն օրվա համար։ Կաշվե բաճկոնը բազմաֆունկցիոնալ է, քանի որ այն կարող եք համադրել ջինսից մինչեւ նույն կտորե տաբատների հետ:

Մոխրագույն բաճկոն

Աշնանը մենք միշտ նախապատվությունը տալիս ենք մուգ երանգներին։ Եվ, եթե նախկինում անընդհատ սեւն էինք ընտրում, ապա այժմ խորհուրդ ենք տալիս ուշադրություն դարձնել մոխրագույն մոդելներին։ Այս բաճկոնները ոչ պակաս բազմակողմանի են՝ դրանք համադրվում են ցանկացած գույնի ջինսե եւ բոլոր գույներ տաբատների հետ։ Ի տարբերություն սեւի, մոխրագույնն այնքան էլ կտրուկ չի հակադրվում հագեցած գույներին, ինչը թույլ է տալիս ավելի քիչ մոդայիկ սխալներ թույլ տալ։

Երկար ու կիպ բաճկոն

Օվերսայզը փորձված ֆասոն է, բայց երբեմն ցանկանում եք մի փոքր ավելի կանացի տեսք ունենալ: Նման առաջարանքը հիանալի լուծում են նեղ մոդելի բաճկոնները։ Բայց կարեւոր է չսխալվել նորաձեւության մեջ. մոռացեք կտրված կիպ բաճկոնների մասին. դրանք վաղուց հնացել են: Ուշադրություն դարձրեք երկար մոդելներին։ Նման բաճկոնները բարենպաստորեն ընդգծում են ցանկացած տիպի կազմվածը։

Աղբյուրն ու լուսանկարները՝ GraziaMagazine