«Ադրբեջանը հարձակում է սկսել իմ երկրի միջազգայնորեն ճանաչված տարածքների վրա». Մալենան՝ Սյունիքում առկա իրավիճակի վերաբերյալ
18:23 14 սեպտեմբերի, 2022Մանկական Եվրատեսիլի հաղթող, երգչուհի Մալենան իր ինստագրամյան էջում անդրադարձել է Հայաստանի Հանրապետության հարավային սահմաններին տիրող իրավիճակին՝ հրապարակելով ՀՀ եռագույնը:
«Ադրբեջանը հարձակում է սկսել իմ երկրի միջազգայնորեն ճանաչված տարածքների վրա` թիրախավորելով նաեւ քաղաքացիական անձանց։ Խոսեք եւ աղոթեք Հայաստանի համար»,- եռագույնին կից գրել է երգչուհին:
Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղություններով հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Այս պահի դրությամբ հայտնի է 105 զոհի մասին: