Աշխարհահռչակ դիզայներ Գրիգոր Ջաբոտյանն ինստագրամյան իր էջում անդրադարձել է Ադրբեջանի կողմից Հայաստանի սահմանին սկսած պատերազմին։ Լիբանանահայ դիզայները կոչ է արել «կանգնել Հայաստանի կողքին» եւ հրապարակմանը կից գրել է․
«Հրադադարի պայմանավորվածությամբ դադարել են հայ-ադրբեջանական սահմանին երկօրյա հզոր գնդակոծությունները։ Ռազմական ուժգին գործողությունների հետեւանքով 105 հայ զինվոր է զոհվել։ Վերջին տասնամյակների ընթացքում ադրբեջանական ագրեսիայի կիզակետում Լեռնային Ղարաբաղն էր, այժմ վտանգված է Հայաստանի տարածքային ամբողջականությունը»։
Посмотреть эту публикацию в Instagram
Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղություններով հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Այս պահի դրությամբ հայտնի է 105 զոհի մասին: