Ուկրաինացի երգիչ Մաքս Բարսկիխին ստախոս են անվանել այն բանից հետո, երբ սոցցանցերում գրառում է կատարել, որում երաժիշտը հայտնել է, որ որոշել է չեղարկել Ադրբեջանում կայանալիք համերգը՝ Հայաստանի հետ ռազմական հակամարտության պատճառով, գրում է Medialeaks-ը։
«Որոշել ենք չեղարկել Ադրբեջանում կայանալիք համերգը։ Ցանկացած երկիր, որն ինքն իրեն ագրեսիա է թույլ տալիս այլ պետության դեմ, իմ համերգների համար հարմար վայր չէ»,- գրել է արտիստը։
Սակայն Ադրբեջանում երգչի համերգը կազմակերպած ընկերությունը սոցիալական ցանցերում հայտարարել է, որ մինչ երգչի հրապարակումը փակել է միջոցառման տոմսերի վաճառքը։ Կազմակերպիչներն ընդգծել են, որ որոշել են դադարեցնել տոմսերի վաճառքը Բարսկիխի՝ Հայաստանին աջակցող գրառման պատճառով։