Ուելսի արքայազն Ուիլիամի դուստրը՝ արքայադուստր Շառլոտը, Եղիսաբեթ II-ի հուղարկավորության արարողությանը, օգնել է եղբորը՝ հետեւել արքայական արարողակարգին, հայտնում է People ամսագիրը:
Երեկ Լոնդոնում տեղի ունեցավ Եղիսաբեթ II թագուհու հուղարկավորության արարողությունը, որին Ուելսի արքայազն ու արքայադուստրը տարել էին նաեւ իրենց զավակներին՝ 9-ամյա արքյազն Ջորջին ու 7-ամյա արքայադուստր Շառլոտին, իսկ 4-ամյա Լուին մնացել է տանը:
Պապարացիները նկարել են այն պահը, երբ արքայադուստր Շառլոտը եղբորը հուշել է խոնարհվել`թագուհու դագաղի առջեւ:
Հայտնի է, որ սեպտեմբերի 7-ին Ջորջը, Շառլոտը եւ Լուին ավարտել են իրենց ամառային արձակուրդն ու վերադարձել դպրոց: Ուելսի արքայազնի եւ արքայադստեր ժառանգները սովորում են Բերքշիրի հեղինակավոր Լամբրուկ դպրոցում։
«Դպրոցում են, լավ հոգատարության տակ։ Նրանք ունեն առօրյա, նոր ընկերներ եւ երջանիկ են»,- նախօրեին պատմել է Քեյթ Միդլթոնը՝ նշելով, թե ինչպես են երեխաները վերապրում իրենց մեծ տատիկի մահը: