«Միայն թե քնելուց առաջ մի փոքր մտածեինք Հայաստանի պատսպարաններում ապրող երեխաների մասին». «Լե Ֆիգարո» ամսագրի լրագրող

Ֆրանսիացի լրագրող Ժան Քրիսթոֆ Բուիսոնը, ով աշխատում է «Լե Ֆիգարո» ամսագրում, անդրադարձել է անցյալ շաբաթ Հայաստանի հարավ արեւելյանսահմանին բռնկված պատերազմի հետեւանքով տուժած երեխաներին:

«Միայն թե քնելուց առաջ մի փոքր մտածեինք Հայաստանի Սյունիքի եւ Գեղարքունիքի մարզերում ապրող երեխաների մասին, որոնք ռումբերից պաշտպանվելու համար քնում են ապաստարաններում՝ սարսափած Հայաստանի վրա Ադրբեջանի հաջորդ հարձակումից», - գրել է լրագրողը իր թվիթերյան հաշվում:

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղություններով կրակ են բացել հայկական դիրքերի ուղղությամբ:

ՀՀ ՊՆ հայտնած տեղեկությունների համաձայն՝ կրակը դադարեցվել է սեպտեմբերի 14-ին ժամը 20:00-ին:

Այս պահի դրությամբ հայտնի է 207 զոհի եւ անհայտ կորածի մասին: