Թոմ Հարդին մրցել է բրազիլական ջիու-ջիցու մարզաձեւում։ Դերասանը զբաղեցրել է առաջին հորիզոնականը։
Մրցույթը տեղի է ունեցել բրիտանական Միլթոն Քեյնս քաղաքի Oakgrove։ Հաղթողի վկայականը շնորհվել է Էդվարդ Հարդիին (դերասանի ծննդյան անունը): Նրա որոշ հակառակորդներ ցնցվել են՝ ռինգում տեսնելով հոլիվուդյան աստղին։
Բրազիլական ջիու-ջիցուն հայտնի է ցավոտ եւ խեղդող տեխնիկայով, ինչպես նաեւ գետնի վրա ըմբշամարտով։ Օգոստոսին Հարդին կարողացավ հաղթել Վուլվերհեմփթոնում անցկացվող ջիու-ջիցուի բաց առաջնությունում։ Զուգահեռաբար, Հարդին զբաղված է «Վենոմ 3»-ի նախապատրաստմամբ, որի սցենարը նա է գրել։