Ամերիկացի դերասան Ալեք Բոլդուինին եւ մի քանի այլ անձանց կարող է մեղադրանք առաջադրվել Rust ֆիլմի նկարահանման հրապարակում տեղի ունեցած կրակոցի համար, որի հետեւանքով մարդ էր մահացել, հայտնում է New York Times-ը՝ հղում տալով Սանտա Ֆե շրջանի դատախազությանը:
Դատախազությունը խնդրել է պետական մարմիններին ֆինանսավորել այն ծախսերը, որոնք կպահանջվեն մեղադրանք առաջադրվելու դեպքում: Մինչդեռ Մերի Կարմա-Օլտվիս շրջանի դատախազը ընդգծել է, որ վարչությունը չի որոշել՝ մեղադրանք առաջադրե՞լ, թե ոչ։
Դերասանի փաստաբան Լյուկ Նիկասը այս սցենարի քննարկումը վաղ է համարում։
«Դատախազությունը պետք է կարողանա գործը քննել առանց անհիմն շահարկումների», - ասել է նա։
2021 թվականի հոկտեմբերի 21-ին, Rust ֆիլմի նկարահանման հրապարակում, Ալեք Բոլդուինը կրակել է ատրճանակից, որը լիցքավորված է եղել լի փամփուշտով: Արդյունքում սպանվել է օպերատոր Գալինա Հաթչինսը, իսկ ռեժիսոր Ջոել Սոուսը ծանր վիրավորում է ստացել։ ՀԴԲ-ն պարզել է, որ կրակոցը պատահական չի եղել։