Բրյուս Ուիլիսը հերքել է իր կերպարի Deepsake-ի իրավունքների վաճառքը ռուսական ընկերությանը
22:27 2 հոկտեմբերի, 2022Բրյուս Ուիլիսի խոսնակը հերքել է վերջին լուրերն այն մասին, որ դերասանը վաճառել է իր կերպարի իրավունքները ռուսական Deepcake ընկերությանը, որը մասնագիտացած է դիփֆեյքերի մեջ՝ արհեստական ինտելեկտի միջոցով սինթեզված ֆոտո եւ վիդեո պատկերներ: Այդ մասին նա հայտարարել է The Hollywood Reporter-ին տված մեկնաբանությունում։
Ուիլիսի խոսնակի խոսքով՝ դերասանը չի համագործակցում եւ պայմանագիր չունի Deepcake-ի հետ։ Ինքը՝ ընկերությունը հաստատել է դա՝ նշելով, որ Ուիլիսի «թվային երկվորյակների» իրավունքները չեն կարող վաճառվել, քանի որ դրանք լռելյայն պատկանում են նրան, իսկ անցյալ տարի Deepcake-ի համագործակցությունը դերասանի հետ իրականացվել է Հոլիվուդի տաղանդների առաջմղման գործակալությունում նրա ներկայացուցիչների միջոցով։ Creative Artists Agency (CAA) –ին եւ Ուիլիսի կերպարի հետագա օգտագործումը հնարավոր է միայն նրա թույլտվությամբ:
Ըստ Deepcake-ի կայքի՝ «թվային երկվորյակները» կարող են առաջին հերթին օգտակար լինել բարձրակարգ դերասանների համար, ովքեր դեմ չեն նկարահանվել գովազդներում, բայց չեն ցանկանում ֆիզիկապես ներգրավվել նկարահանումներին: Հենց այս տեսահոլովակը «Բրյուս Ուիլիսի» հետ 2021 թվականին Deepcake-ը պատրաստել է ռուսական բջջային օպերատոր Megafon-ի համար։ Դերասանը վերջնական արդյունքն իբր դրական է գնահատել։
Աղբյուրը՝ Gazeta.ru