«Սա նման է սարսափ ֆիլմի». Գեւ Օրկյանը`ադրբեջանցիների կողմից հայ ռազմագերին մահապատժի ենթարկելու եւ աշխարհի լռության մասին
19:57 3 հոկտեմբերի, 2022Բրիտանահայ շոումեն Գեւ Օրկյանն իր ինստագրամյան էջում ներ տեսանյութ է հրապարակել՝ անդրադառնալով երեկ ադրբեջանական տելեգրամյան ալիքներում տարածված տեսանյութին, որում ադրբեջանցի զինվորները մահապատժի էին ենթարկում գերի ընկած հայ զինվորներին:
View this post on Instagram
«Նույն ընթացքում երբ աշխարհը դեռեւս շարունակում է լռել, ես խոսելու եմ նրա մասին, որ այն ինչ կատարվում Հայաստանում այժմ անընդունելի է: Դա ցեղասպանություն է, ջարդ, որն իրականանում է ամեն օր եւ ոչ մի կառավարություն Ադրբեջանի կառավարության եւ զինվորների նկատմամբ համապատասխան գործողություններ չի իրականացնում, իսկ Ալիեւը թույլ է տալիս այդ բարբարոսներին՝ շարունակել սպանել հայ հերոսներին:
Դեռ երեկ նրանք տարածել են սմարթֆոնով նկարահանված տեսանյութ, որում երեւում է, թե ինպես են ցեղասպանում ռազմագերիներին: Իսկապե՞ս, 21-րդ դարում: Սա նման է սարսափ ֆիլմի, քանի որ տեսնում ենք ինչպես են ցեղասպանում մեր սիրելի հերոսներին եւ նկարահանում դա՝ զվարճանքի նպատակներով: Եվ դեռեւս ոչ մի պետություն գործողության չի անցել. նրանք բոլորը խոսում են: Ապրե՛ք դուք: Շնորհավորում եմ նաեւ Google -ին, որը, կարծում եմ, վաճառվել է Ադրբեջանին, քանի որ հին հայկական քաղաքները ներկայացնում է ադրբեջանական քաղաքների անվանումներով: Իսկապե՞ս, դուք ասում եք սա ադրբեջանական է, սա ադրբեջանական քաղաք է: Սրանք հայկական քաղաքներ են, դուք չեք կարող ջնջել պատմությունը: Գիտե՞ք ինչ: Բավակա՛ն է: Դուք բոլորդ սրիկաներ եք», - ասել է Օրկյանը տեսանյութում:
Ավելի վաղ շոումենը, ով չի դադարում խոսել Հայաստանի սահմաններին տեղի ունեցող իրադարձությունների մասին, աշխարհին կոչ էր արել չլռել:
Իր միկրոբլոգի Stories բաժնում շոումենը նոր լուսանկար էր հրապարակել, որին կից իր սերն էր արտահայտել Հայսատնի նկատմամբ։ «Նշանակություն չունի, թե որքան հեռու եմ ես։ Հայաստանը միշտ իմ սրտում է», - գրել էր Օրկյանը։