«Գարուն ա». ֆիլմը միջազգային կինոփառատոններում շարունակում է հաջողություններ գրանցել

11:59   4 հոկտեմբերի, 2022

Արցախյան քառօրյա պատերազմի մասին պատմող «Գարուն ա» ֆիլմը շարունակում է հաջողություններ գրանցել միջազգային կինոփառատոններում: Այս մասին հրապարակումներ են արվել ֆիլմի ինստագրամյան պաշտոնական էջում:

310462506_2499363103696596_3930934448913582065_n.jpg (120 KB)

Ֆիլմը «Ֆոկուս» միջազգային կինոփառատոնի մրցույթային փուլում անցել է կիսաեզրափակիչ փուլ, միեւնույն ժամանակ «Ֆալկոն» միջազգային կինոփառատոնում արժանացել է մրցանակի:

310039045_1165062940889067_2976237180975086689_n.jpg (95 KB)

Հիշեցնենք, որ ֆիլմը էկրաններ էր բարձրացել այս տարվա մարտին: Այն ֆիլմ է՝ պատերազմի, սիրո, մեր օրերի նվիրյալների, միասնության, պետական մտածողության կերտման ու հայրենասիրության մասին՝ երեք սերունդների աչքերով։

Ֆիլմի գլխավոր պրոդյուսերն Ալեքսանդր Խաչատրյանն է, պրոդյուսերը՝ Դիանա Ավետիսյանը։ Սցենարը հեղինակը Հարություն Ղուկասյանն է, օպերատորն է Սուրեն Թադևոսյանը, իսկ կոպոզիտորը՝ Արման Էլբերտը։ Մոնտաժը՝ Միքայել Թորգոմյանի, նկարիչ՝ Տիգրան Ասատուրով։



© NEWS.am STYLE