«Snap» երգի անհավանական հաջողությունից հետո «Եվրատեսիլ 2022»-ում Հայաստանի ներկայացուցիչ Ռոզա Լինն աշխարհին սիրելի դարձած իր հիթը ներկայացրել է նոր տեսահոլովակով։ Այժմ արդեն Columbia Records-ի արտիստ համարվող երգչուհին հայտնի երգի նոր տեսահոլովակի շուրջ աշխատել է արտասահմանյան թիմի հետ․ երաժշտական հոլովակի ռեժիսորը Դանո Սերնին է, պրոդյուսերը՝ Անդրեա Սավեդրան։ Տեսահոլովակը նկարահանվել է Միացյալ Նահանգներում։
Ռոզա Լինի «Snap»-ի եվրատեսիլյան տեսահոլովակի ռեժիսորն Արամայիս Հայրապետյանն է։
Հիշեցնենք, որ երգչուհին «Եվրատեսիլ 2022»-ում զբաղեցրել է 20-րդ հորիզոնականը, սակայն Spotify-ում «Snap»-ը գրանցել է հետեվրատեսիլյան ռեկորդներ․ Հայաստանը ներկայացնող երգը դարձել է «Եվրատեսիլ»-ի պատմության ամենաշատ լսելի 5 ստեղծագործություններից մեկը՝ առաջ անցնելով, նույնիսկ, աշխարհահռչակ ABBA խմբի «Waterloo»-ից:
Լուսանկարները՝ Ռոզա Լինի ինստագրամյան էջից