3 Ֆիլմ կանացի ուժի, սիրո եւ ընկերության մասին

Ոչ ոքի համար էլ գաղտնիք չե, որ կանայք դարերի ընթացքում պայքարել են աշխարհի հասարակություններում իրենց տեղն ունենալու եւ տղամարդկանց հավասար իրավասություններ ձեռք բերելու համար: Այդ ճանապարհին էլ ձեւավորվել է կանացի համերաշխությունը, որի բազմաթիվ դրսեւորումների մասին էկրանավորումներ են ներկայացրել տարբեր ռեժիսորներ:

Այսօր News.am STYLE-ը ձեզ է ներկայացնում 3 ֆիլմ կանացի ուժի, սիրո եւ ընկերության մասին.

«Մոնա Լիզայի ժպիտը» (Mona Lisa Smile)

Ռեժիսոր Մայք Նյուելի ֆիլմ, որը էկրաններ է բարձրացել 2003 թվականին, ամերիկյան դրամա է: Այն արտադրվել է Revolution Studios-ի եւ Columbia Pictures-ի կողմից՝ Red Om Films Productions-ի հետ համատեղ: սցենարի հեղինակը Լոուրենս Կոներն ու Մարկ Ռոզենթալն են: Ֆիլմում գլխավոր դերերում հանդես են եկել Ջուլիա Ռոբերթսը, Քիրսթեն Դանսթը, Ջուլիա Սթայլսը եւ Մեգի Ջիլենհոլը:

Ֆիլմի համար Ջուլիա Ռոբերթսը վաստակել է 25 միլիոն դոլար, ինչն այն ժամանակ ռեկորդային էր եւ դերասանուհու առաջին նման հոնորարը:

Ֆիլմի գործողությունները ծավալվում են 1953 թվականին. 30-ամյա ասպիրատ Քեթրինը սկսում է դասավանդել աղջիկների քոլեջում, եւ հասկանալով, որ աղջիկները դասի ծրագիրն անգիր են արել, սկսում է խոսել արվեստի մասին եւ նրանց հասցնել այն մտքին, որ ամուսնությունից բացի այլ ձգտումներ ունենան կյանքում: Ոմանք դյուրությամբ են ընդունում ուսուցչուհու մտքերը, ոմանք ո՛չ: ֆիլմի ընթացքում ուսուցչուհին օգնում է աղջիկներին՝ իրենց անձնական կյանքի վերաբերյալ խորհուրդներ տալով, իսկ ֆիլմի ավարտին մեկնում է Եվրոպա: Աշակերտուհիները բոլորով ճանապարհում են նրան:

Տոմսարկղերում ֆիլմը հավաքել է ավելի քան 141 միլիոն դոլար:

«Փոքրիկ կանայք» (Little women)

Ֆիլմն էկրաններ է բարձրացել 2019 թվականին: Այն նկարահանել է ռեժիսոր Գրետա Գերվիգը`Դա Լուիզա Մեյ Ալկոտի համանուն վեպի հիման վրա: Սա 1868 թվականին գրված վեպի 7-րդ էկրանավորումն է:

Այն մերկայացնում է հինգ քույրերի՝  Ջոյի, Մեգի, Էմիի եւ Բեթի կյանքը Մասաչուսեթսում, տասնիններորդ դարում: Ֆիլմում նկարահանվել են այնպիսի դերասաններ, ինչպիսիք են Էմմա Ուաթսոնը, Էլիզա Սքանլենը, Մերիլ Սթրիփը, Քրիս Քուփերը եւ այլոք:

Բազմաթիվ մրցանակների շարքում ֆիլմն արժանացել է «Օսկար» մրցանակի վեց անվանակարգերում, այդ թվում՝ լավագույն ֆիլմ, լավագույն դերասանուհի, երկրորդ պլանի լավագույն դերասանուհի, լավագույն ադապտացված սցենար եւ լավագույն օրիգինալ երաժշտություն, ինչպես նաեւ զգեստների լավագույն ձեւավորում։ Այն արժանացել է նաեւ Բրիտանական ակադեմիայի կինոմրցանակի՝ հինգ անվանակարգերում եւ երկու «Ոսկե գլոբուս» արձանիկ է ստացել:

Ֆիլմի բյուջեն կազմում է 40 միլիոն դոլար, ինչի դիմաց կինովարձույթում այն ձեռք է բերել 218.9 միլիոն դոլար:

«Կանայք» (The women)

Ամերիկյան կատակերգություն եւ դրամա է, որն էկրաններ է բարձրացել 2008 թվականին եւ որի հեղինակը ռեժիսոր Դայեն Ինգլիշն է: Ֆիլմում գլխավոր հերոսներին մարմնավորել են Մեգ Ռայանը, Անեթ Բենինգը, Էվա Մենդեսը, Դեբրա Մեսսինգը եւ այլ հայտնի դերասանուհիներ:

Ֆիլմը պատմում է 4 կանանց ընկերության, նրանց անձնական խնդիրների եւ միմյանց հանդեպ նվիրվածության մասին: Ընկերուհիները, որքան էլ որ բարկանան իրար վրա, որքան էլ նեղանան միմյանցից, միեւնույնն է ամենակրեւոր պահերին միշտ միասին են:

Հատկանշական է, որ ամբողջ ֆիլմի ընթացքում էկրաններին երեւում են միայն կանայք՝ նույնիսկ մասշտաբային տեսարաններում: Ֆիլմի համաշխարհային ցուցադրություններից ստացած հասույթը կազմում է ավելի քան 50 միլիոն դոլար:

հակառակ մե հաջողությանը, ֆիլմ արժանացել է բազմաթիվ քննադատությունների: