Ինչպես կրել եւ ինչի հետ համադրել կարդիգանը, որպեսզի Ձեր տարիքից մեծ տեսք չունենաք

Կարդիգանն, ասես, հավերժ դասական իր լինի։ Բայց ժամանակ առ ժամանակ նույնիսկ դասական իրերը վերանայման կարիք ունեն։ News.am STYLE-ը մեկտեղել է մտքեր, որպեսզի  կարդիգաններով ոճային տեսք ունենանք:

Երկար, ազդրերը ծածկող եւ նույնիսկ դասական կարճ, հայտնի 1950-ականներին. այս բոլոր մոդելները կարելի է փորձարկել այնպես, որ նմանվեք աշակերտի, եւ ոչ թե ուսուցչին: Փորձենք պարզել, թե ինչ է պետք անել դրա համար:

Հիմնական բանը, որի մասին պետք է մտածել․ եթե «ծերացման էֆեկտը» վախեցնում է ձեզ կարդիգաններում, ապա պետք է նախապատվությունը տալ դասական տաբատներին, օրինակ՝ լաքից, «կանացի» բատիլյոններ, կազակներ եւ այլն։

Կարդիգանը կարելի է (երբեմն նույնիսկ անհրաժեշտ է) կոստյումի հետ համադրել։ Դուք կարող եք այն կրել շապիկի վրայից կամ նույնիսկ մերկ մարմնի վրա: Արդյունավետ է, այնպես չէ՞:

Տպավորիչ համադրության եւս մեկ բաղադրատոմս՝ բարակ կարդիգանը ջինսե տաբատի տակ դնել: Կամ համադրել կիսաշրջազգեստի հետ։ 50-ականներին այդպես էլ անում էին։

Եթե ​​մտածում եք տրիկոտաժե կիսաշրջազգեստի եւ կարդիգանի հավաքածու գնելու մասին, համոզվեք, որ դրանց վրա նախշը հնարավորինս ավանգարդ լինի, հակառակ դեպքում ռիսկի եք դիմում տեղավորվել ավելի մեծ տարիքային կատեգորիայի շրջանակում: Ոչ մի «կատվային» կոշիկներ կամ «լեդիլայք» ոճի պայուսակներ: Վտանգավոր էֆեկտից խուսափելու համար կօգնեն հաստ կրունկներով վառ կոշիկները եւ բոհեմական աքսեսուարները։

Եվս մեկ կարեւոր կետ. դասական կարդիգանները, ինչպես մորթյա բաճկոնները, լավագույնս համադրվում են «փողոցային» հագուստի հետ, ինչպիսիք են սպորտային եւ երիտասարդական ապրանքանիշերի տարբերանշաններով շապիկներն ու սպորտային կոշիկները:

Տեխնիկան այնքան հին է, որքան աշխարհը. եթե հանդերձանքը ձեզ չափազանց պարզ եւ զուսպ է թվում, փորձեք իջեցնել մեկ ուսը: Լավագույնս աշխատում է ջինսե տաբատով կամ ծավալուն կիսաշրջազգեստով կոմպլեկտների հետ:

Աղբյուրը՝ Thevoicemag

Լուսանկարերը՝ Getty Images