Ռոզա Լինը զուգերգ կներկայացնի «Եվրատեսիլ 2019»-ի հաղթող Դունքան Լոուրենսի հետ
10:05 14 հոկտեմբերի, 2022«Եվրատեսիլ 2022»-ում Հայաստանը ներկայացրած Ռոզա Լինը եւ «Եվրատեսիլ 2019»-ի հաղթող Դունքան Լոուրենսը, որը մրցույթում ներկայացնում էր Նիդերլանդները, զուգերգ են ձայնագրել։ Այս մասին երգչուհին տեղեկացրել է սոցիալական ցանցերի իր էջերում։
«Մեր նոր երգը, որը կոչվում է «Would Do It Again», կթողարկվի հաջորդ ուրբաթ՝ հոկտեմբերի 21-ին»,-գրել է երգչուհին։ Ավելի վաղ կատարած իր հրապարակման մեջ Ռոզան նշել էր, որ դեռ շարունակում է չափազանց ուրախանալ այն սիրուց, որն ուղղված է իր Snap երգին․
«Հուսով եմ՝ նույնը կզգաք նաեւ այն երգի հանդեպ, որը կներկայացնեմ հաջորդ շաբաթ»,-հավելել էր նա։
Ինչ վերաբերում է Դունաքան Լոուրենսին, երգիչը «Եվրատեսիլ»-ը հաղթել է Arcade երգով։ 1975 թ-ից ի վեր սա մրցույթում Նիդերլանդների առաջին հաղթանակն էր։