Հոկտեմբերի 13-ին «Seven Visions. The Dvin» համալիրի «One & Only» թատրոնում տեղի ունեցավ «Genetic Code»-ը խորագիրը կրող ներկայացման պրեմիերիան:
Թատերական ներկայացման եզակիությունը նրանում էր, որ բեմ չկար, իսկ դերասաններն օդում էին ներկայացման սկզբից՝ մինչև վերջ: Ակրոբատիկ ելույթներ, էքստրեմալ հնարքներ, որոնք իրենց ամեն մի շարժումով զարմանք ու ոգեւորություն էին առաջացնում հանդիսատեսի շրջանում, լարված պահում ու հիացնում գեղեցիկ կատարումներով ու հագուստի դետալներով։ Օդային թատրոնի այսպիսի մոտեցումը եզակի է ոչ միայն հայկական, այլեւ համաշխարհային մշակույթի մեջ։
«One & Only» թատրոնի «Genetic Code» խորագիրը կրող այս ներկայացումը պատմում է մարդկության առաջացման մասին։ Նախաձեռնողը ներդրող Արտակ Թովմասյանն է, որն անդրադառնալով նորարարական այս գաղափարին՝ նշեց, որ այն ոչ միայն հայ հանրությանը հիացնելու, այլեւ Հայաստանի հանդեպ աշխարհի հետաքրքրությունը շարժելու նպատակ ունի․
«Սա առաջին թատրոնն է առանց բեմի, որի ներկայացումները սկվելու են օդից եւ ամբողջ ընթացքը լինելու է միայն այնտեղից։ Օդային այս բեմադրությունը յուրատիպ ձևով պատմում է տիեզերքի արարումը։ Այնտեղ առկա է նուռը՝ որպես կյանքի հավերժական աղբյուր, որն իր մեջ կրում է ոսկե հատիկները։ Մեծ պայթյունի արդյունքում հատիկները ցրվում են ողջ տարածությունում՝ ստեղծելով բազում այլ մոլորակներ եւ գալակտիկաներ։
Քաոսից սկիզբ է առնում կյանքը»,-պատմեց նա՝ հավելելով, որ այս ներկայացմամբ մտադիր են Հայաստանը դարձնել համաշխարհային մշակույթի ու զբոսաշրջության հետաքրքրության կենտրոն․
«Տվյալ ներկայացումը նորություն է թե՛ Հայաստանում, թե՛ ողջ աշխարհի համար։ Շոուն լինելու է երկարաժամկետ։ Նպատակն այն է, որ աշխարհի տարբեր ծայրերից ժամանեն Հայաստան՝ հատուկ այն դիտելու համար»,-հավելեց Արտակ Թովմասյանը։
«Genetic Code» թատրոնը ստեղծվել է «Imagination Circus»-ի կողմից:
Յուրահատուկ բեմադրության մանրամասներն՝ ավելի պատկերավոր NEWS.am STYLE-ի ֆոտոռեպորտաժում։
Սյունե Առաքելյան
Լուսանարները` Արսեն Սարգսյանի