Նորաձեւության սիրահարների եւ ոլորտի մասնագետների համար ամենակարեւորները նորաձեւության շաբաթներն են, որոնց ընթացքում տարբեր նորաձեւության տներ ներկայացնում են հաջորդ սեզոնի իրենց հավաքածուն:
Այսօր News.am STYLE-ը կանդրադառնա ամերիկահայ հեռուստաաստղ Քիմ Քարդաշյանին, ով նորաձեւության պատմության մեջ առաջին կինն է, որից ոգեշնչված հավաքածուներ են ստեղծել միաժամանակ երկու նորաձեւոթյան տներ՝ այն էլ միեւնույն սեզոնի համար:
Balenciaga Dolce & Gabbana ապրանքանիշերի աշուն-ձմեռ հավաքածուների ոգեշնչման աղբյուրը դարձել է հեռուստաաստղ Քիմ Քարդաշյանը:
Balenciaga ապրանքանիշի գովազդային արշավը նույնպես գլխավորել է Քիմ Քարդաշյանը, ինչպես նաեւ մասնակցել է նորաձեւության ցուցադրությանը, որը կայացել է Փարիզում:
Dolce & Gabbana-ի նոր հավաքածուն հիմնված է`Քիմ Քարդաշյանի կողմից ընտրված ապրանքանիշի ավելի հին ժամանակների զգեստների վրա, որոնք ձեւափոխվել էին`ըստ Քիմի ոճի: Հավաքածուն անվանվել է «Չաո Քիմ»:
Պետք է նշել, որ նորաձեւության երկու տների ոճերը շատ տարբեր են եւ տարբեր էին նաեւ նոր հավաքածուները, որոնց ոգեշնչման աղբյուրը եղել է ամերիկահայ հեռուստաաստղը, ինչը պայմանավորված է Քիմի ոճային բազմազանությամբ:
Նշենք, որ այս աշնանը ոգեշնչման աղբյուր էր դարձել նաեւ երգչուհի Շերը (Շերլին Սարգսյան)՝ ապրանքանիշի համար, ինչպես նաեւ եզրափակել նորաձեւության ցուցադրությունը: