Հայտնի է, թե նոր սերիալում ով կմարմնավորի Բենիտո Մուսոլինիին

Նոր M: Son of the Century («Մ. Դարի որդին») հեռուստասերիալում  ֆաշիստ առաջնորդ Բենիտո Մուսոլինիին կմարմնավորի իտալացի դերասան Լուկա Մարինելլին («Մարտին Էդեն», «Անմահ գվարդիան»): Նախագիծը կղեկավարի բրիտանացի Ջո Ռայթը:

8 դրվագներից կազմված նախագիծը կպատմի 1919-ից 1925 թվականների մասին՝ Ֆաշիստական ​​կուսակցության ծնունդից մինչեւ Իտալիայում իշխանության զավթումը. այն հիմնված է Անտոնիո Սկուրատիի 2018 թվականին լույս տեսած համանուն վեպի վրա։

Սցենարի հեղինակներն են Ստեֆանո Բիզեսն ու Դավիդե Սերինոյը: Հեռուստասերիալի արտադրական փուլի աշխատանքները կսկսվեն առաջիկա շաբաթների ընթացքում Հռոմում: Այն հեռարձակվելու է Sky Atlantic հեռուստաալիքով։

Մարինելլին վերջերս ավարտել է «Անմահ գվարդիա»-ում իր նկարահանումները։ Նա նաեւ մարմնավորել է  «Ութ լեռներ» դրամայի գլխավոր հերոսին։ Ֆիլմը 2022 թվականին «Կաննի միջազգային կինոփառատոնում» արժանացել է «ժյուրիի մրցանակի»: