Նախաճաշ ֆրանսիական ոճով (ֆոտո)
12:59 19 հոկտեմբերի, 2022Ֆրանսիական նախաճաշի մասին խոսելիս առաջինը հիշում ենք կրուասանները: Այո Ֆրանսիան հայտնի է իր կրուասաններով եւ այստեղ կարելի է գտնել աշխարհի ամենահամով կարագով կրուասանները, սակայն, ինչպես ֆրանսիացիներն են նշում, դա նրանց ամենօրյա կերակուրը չէ՝ հակառակ օտարերկրացիների պատկերացմանը:
Այսօր News.am STYLE-ը ձեզ կներկայացնի նախաճաշ՝ ֆրանսիական ոճով:
Մի երկրի համար, որտեղ խոհարարական գերազանց հմտությունները բարձր են գնահատվում, նախաճաշերը չափազանց պարզ են: Այստեղ նախաճաշը օրվա ամենաքիչ կարեւորություն ունեցող կերակուրն է: Հիմնական տեղը զբաղեցնում են ճաշն ու ընթրիքը:
Ֆրանսիայում նախաճաշը հիմնականում քաղցր է եւ ածխաջրերով հարուստ: Գյուղական շրջաններում սրան կարող են տեղական սալյամի կամ պանիր ավելացնել: Բացի այդ ֆրանսիացիների մեծ մասն առավոտյան միայն սուրճ է խմում՝ սպասելով ճաշին:
Եթե կարճ նկարագրենք ապա ֆրանսիական նախաճաշը ընդգրկում է տաք ըմպելիք՝ սուրճ կամ թեյ, մի շերտ բագետ հաց՝ կարագով եւ ջեմով, կրուասանի որեւէ տարբերակ, որը պարտադիր պայման չէ եւ թարմ հյութ, որը նույնպես պարտադիր չէ:
