Այսօր Ստեփանակերտի թատրոնի հիմնասյուն Կարո Ալվարյանի մահվան օրն է
14:48 19 հոկտեմբերի, 202259 տարի առաջ այս օրը Ստեփանակերտում մահացել է հայ ռեժիսոր եւ դերասան Կարո Ալվարյանը:
Ռեժիսորը ծնվել է 1895 թվականին Ախալցխայում: Ավարտել է Մոսկվայի հայկական դրամատիկական ստուդիան, եղել է Թիֆլիսի, Բաքվի հայկական եւ Լենինականի թատրոնների դերասան: 1932 թվականին կազմել է Ստեփանակերտի, ապա 3 տարի անց նաեւ Կիրովաբադի հայկական թատրոնները:
Բեմադրել է Վ.Վաղարշյանի «Օղակում», Շիրվանզադեի «Մորգանի խնամին», Գ.Սունդուկյանի «Խաթաբալա», Հ.Պարոնյանի «Պաղտասար աղբար» եւ այլ ներկայացումներ։
Ստացել է արվեստի վաստակավոր գործչի կոչում, իր անունով Ստեփանակերտում անվանակոչվել է փողոց: