Ջեյն Օսթինը բրիտանատական գրականության ամենահայտնի եւ ամենավառ կերպարներից մեկն է: Նա հայտի է իր վեց վեպերով, որոնց միջոցով փորձում է ներկայացնել, ինչպես նաեւ քննադատել 18-րդ դարի վերջի բրիտանական ազնվականությանը: Օսթինի ստեղծագործությունները հիմնականում միտված են բացահայտելու կանանց կյանքն ու դրա կախվածությունը տղամարդկանցից:
«Զգացում եւ զգացմունքայնություն» (Sense and Sensibility, 1811), «Հպարտություն եւ նախապաշարմունք» (Pride and Prejudice, 1813), «Մենսֆիլդ պարկ» (Mansfield Park, 1814), «Էմմա» (Emma, 1816) վեպերի հրատարակությունների շնորհիվ է Օսթինը գրողի համբավ ձեռք բերել։ Գրել է նաեւ «Նորթենգերի աբբայություն» (Northanger Abbey) եւ «Բանականության փաստարկներ» (Persuasion), որոնք հրատարակվել են հետմահու՝ 1818 թվականին, ինչպես նաեւ սկսել է աշխատել մեկ այլ վեպի՝ «Սենդիթոն»-ի (Sanditon) վրա, որը անավարտ է մնացել։
Այսօր News.am STYLE-ը ներկայացնում է «Հպարտություն եւ նախապաշարմունք» վեպի մի քանի հայտնի էկրանավորում:
«Հարսնացուն եւ նախապաշարմունք». (Bride and Prejudice. 2004)
Ֆիլմը վերջին տարիներին էկրանավորված ամենահետաքրքիր տարբերակներից է: այն առանձնանում է Հոլիվուդի եւ Բոլիվուդի համագործակցությամբ եւ ֆիլմում դեպքերը զարգանում են ոչ միայն Մեծ Բրիտանիայում, այլ նաեւ Հնդկաստանում: Այն ժանրով մյուզիքլ է:
Ֆիլմի գլխավոր հերոսուհուն մարմնավորում է հայտնի հնդիկ դերասանուհի, «Միսս Աշխարհ 1994» Աշուարիյա Ռայը, իսկ հերոսին հոլիվուդյան դերասան Մարտին Հենդերսոնը, ով ծնունդով Նոր Զելանդիայից է: ֆիլմում խաղացել են նաեւ Դանիել Գիլիեսը, Նադիրա Բաբբարը, Անուփամ Խերը, Նեյվին Էնդրյուսը, Ինդիրա Վարման եւ այլոք: Ռեժիսորը Գուրինդեր Չադհան է, ով մասնակցել է նաեւ սցենարի մշակմանը, որն արվել է Փոլ Մայեդա Բերգեսի կողմից:
«Հպարտություն եւ նախապաշարմունք». (Pride and Prejudice. 2005)
Ֆիլմի դասական էկրանավորումն է, որը էկրաններ է բարձրացել 2005 թվականին`Ջո Ռայթի ռեժիսորությամբ: Ֆիլմում գլխավոր հերոսոին եւ հերոսուհուն մարմնավորում են Մեթյու Մքֆադին եւ Կիրա Նայթլին:
Սցենարի հեղինակ Դեբորա Մոգաշն աշխատել է անել ամեն բան, որպեսզի ֆիլմը վեպին հնարավորինս նման լինի: Ֆիլմի երաժշտության հեղինակը Դարիո Մարիանելին է: Այն արտադրվել է Universal Pictures, ֆրանսիական Mars Distribution եւ ամերկյան Focus Features ստուդիաների համագործակցության արդյունքում՝ ՄԲ-ի, ԱՄՆ-ի եւ Ֆրանսիայի համատեղ արտադրությամբ:
Ֆիլմի բյուջեն կազմել է 28 միլիոն դոլար, իսկ շահը գերազանցել է 121 միլիոնը:
Ավելի վաղ վեպն ունեցել է եւս մեկ դասական էկրանավորում, որը թողարկվել է 1940 թվականին:
«Հպարտություն եւ նախապաշարմունք եւ զոմբիներ». (Pride and Prejudic + Zombies. 2016)
Ֆիլմի այս էկրանավորումը սարսափ տարրերով կատակերգական մելոդրամա է: Ռեժիսորը եւ սցենարի հեղինակը Բյոր Սթիրսն է։ Գլխավոր դերերը մարմնավորել են Լիլի Ջեյմսը, Սեմ Ռայլին, Ջեք Հյուսթոնը, Բելլա Հիթկոթը, Դուգլաս Բուտը, Մեթ Սմիթը, Չարլզ Դենսը եւ Լինա Հիդին։ Պրեմիերան կայացել է 2016 թվականի փետրվարի 5-ին։