Քեթի Փերին դարձավ 38 տարեկան (ֆոտո, վիդեո)
20:47 25 հոկտեմբերի, 2022Ամերիկացի երգչուհի եւ երգահան Քեթի Փերին ծնվել է 1984 թվականի այս օրը ԱՄՆ Կալիֆոռնիա նահանգի Սանտա Բարբարա քաղաքում: Ընտանիքում, որի երրորդ երեխան է երգչուհին, ծնողները եղել են ավետարանչական եկեղեցու անդամ: Դպրոցն ավարտելուց հետո Քեթին տեղափոխվել է Լոս Անջելես, որտեղ էլ ծնդդյան Քեթրին Էլիզաբեթ Հադսըն անունը դարձրել է Քեթի Փերի՝ վերցնելով մոր հայրական ազգանունը:
2009 թվականին Քեթի Փերին Հնդկաստանում նշանադրվել է բրիտանացի կատակերգու Ռասել Բրենդի հետ, իսկ 2010 թվականին զույգն ամուսնացել է, սակայն հաջորդ տարի կատակերգուն ամուսնալուծության հայտ է ներկայացրել:
2016 թվականին «Ոսկե գլոբուսի» 73-րդ մրցանակաբաշխության ժամանակ ծանոթացել է բրիտանացի դերասան Օռլանդո Բլումի հետ եւ սկսել հանդիպել: Զույգն նշանադրված է եւ ունի 1 զավակ:
Երգչուհին հայտնի է դարձել 2008 թվականին՝ I kissed a girl սիգլի շնորհիվ, իսկ ավելի վաղ`2007 թվականին պայմանագիր է կնքել Capital Records ձայնագրման ստուդիայի հետ:
Ձայնագրել է 5 ալբոմներ, որոնք մեծ լսարան են ձեռք բերել եւ կազմակերպել է 4 շրջագայություն:
Քեթի Փերրին դարձել է Twitter-ի առաջին օգտատերը, որի հետեւորդների թիվը գերազանցել է 50 միլիոնը. այժմ այդ թիվը գերազանցում է 104 միլիոնը։ Նա միակ երգչուհին է, որի 6 սինգլները, որոնք նույն ձայնասկավառակից են, գլխավորել են Billboard Pop Songs-ի վարկանիշային սանդղակը: