«Արփա»-ի շրջանակում հարցազրույցներ կկայանան «Անտեսանելի հանրապետություն» ֆիլմի վավերագրական կադրերի հեղինակ Լիկա Զաքարյանի հետ. Արաքսյա Կարապետյան
20:51 27 հոկտեմբերի, 2022Ամերիկյան Fox 11 հեռուստաալիքի հաղորդավարուհի, «Էմմիի» մրցանակակիր Արաքսյա Կարապետյանն անդրադարձել է «Անտեսանելի հանրապետություն» ֆիլմի համար հիմք հանդիսացած պատերազմական տեսարանները վավերացրած լրագրող Լիկա Զաքարյանի հետ հարցազրույցներին, որոնք կայանալու են «Արփա» միջազգային կինոփառատոնի շրջանակում:
«Ինստագրամ» սոցիալական ցանցի իր էջի Stories բաժնում Արաքսյան հրապարակել է ֆիլմի գովազդային լուսանկարը եւ գրել. «Այս վավերագրական ֆիլմը ցույց է տալիս, թե ինչ է տեղի ունեցել Արցախում` 44-օրյա պատերազմի ընթացքում 2020 թվականին»:
Ավելի վաղ հայտնել էինք, որ «Արփա» միջազգային կինոփառատոնի շրջանակում կկայանա «Անտեսանելի հանրապետություն» ֆիլմի պրեմիերան: Ֆիլմը հիմնված է արցախցի լրագրող Լիկա Զաքարյանի պատերազմական օրագրերի վրա՝ ներկայացնելով խիստ անձնական եւ քաղաքական դրամատիկ պատմություն 44-օրյա պատերազմի մասին: