Ուկրաինացի երգիչ Վերկա Սերդուչկան վաճառքի է հանել 1974 թվականի արտադրության իր Rolls-Royce Silver Shadow մեքենան, որով երթեւեկել է Ֆրեդի Մերկուրին։ Համապատասխան հայտարարությունը հայտնվել է Sotheby's բրիտանական աճուրդի տան կայքում։
Յուրահատուկ մեքենայի վաճառքը տեղի կունենա նոյեմբերի 5-ին։ Նախնական գինը ավելի քան 56 հազար դոլար է։
Մերկուրին մեքենան գնել է 1979 թվականին։ Նա չի վարել մեքենան եւ նախընտրել է օգտվել վարորդի ծառայություններից։ Queen խմբի ֆրոնտմենի մահից հետո մեքենան ժառանգել է նրա քույրը, ապա այն վաճառքի է հանվել։
2013 թվականին մեքենան գնել է Սերդուչկան (իսկական անունը՝ Անդրեյ Դանիլկո)։ Արտիստը չի կարողացել այն Ուկրաինա տանել՝ մաքսազերծման հետ կապված խնդիրների պատճառով։