Շաքարավազ
Խոսքը ոչ միայն շաքարավազով թեյի մասին է, որը կարող եք չխմել, այլ շաքարի հավելումների, որոնք կարող եք ստանալ այլ աղբյուրներից: Առաջին հերթին դրանք բազմազան աղանդերն են, ինչպես նաեւ հավելումներով յոգուրտներ եւ կաթնաշոռներ, արդյունաբերական կոնսերվացիա, սոուսներ, գործարանային շիլաներ, պատրաստի նախաճաշեր (մյուսլի, հացահատիկային) եւ խմիչքներ։ Հաճախ շաքարը թաքնված է գլյուկոզայի օշարակի կամ գլյուկոզայի եգիպտացորենի օշարակի սահմանման տակ: Շաքարն առողջ մաշկի գլխավոր թշնամին է։ Այն ակտիվացնում է ճարպագեղձերը, ինչը նպաստում է բորբոքումների եւ պզուկների առաջացմանը։ Բացի այդ, խթանում է ծերացման գործընթացը:
Ալկոհոլ
Նախ, այն պարունակում է նույն շաքարը, որի վտանգների մասին արդեն խոսել ենք: Երկրորդ, ալկոհոլը բացասաբար է անդրադառնում մազանոթների վրա եւ նպաստում է ռոզացեայի (մաշկի կարմրություն եւ անոթների լայնացում) եւ, որպես հետեւանք, կուպերոզի առաջացմանը:
Արագ սնունդ եւ մսային կիսաֆաբրիկատներ
Այս բոլոր մթերքները պարունակում են չափազանց մեծ քանակությամբ շաքար եւ աղ, ինչպես նաեւ արհեստական կոնսերվանտներ, ներկանյութեր, համը ուժեղացնող նյութեր, որոնք վնասում են ողջ օրգանիզմին։ Նման արտադրանքի օգտագործումը սպառնում է, մասնավորապես, հորմոնալ ֆոնի բացասական փոփոխությունների եւ ինսուլինի արտադրության ավելացման։ Սա անպայման կարտացոլվի ձեր մաշկի վրա:
Աղբյուրը՝ GraziaMagazine