Քրիստինա Ագիլերան հայտարարություն է տարածել Երեւանում կայանալիք համերգի վերաբերյալ
16:54 4 նոյեմբերի, 2022Քրիստինա Ագիլերան իր սոցիալական էջերում հանդես է եկել հայտարարությամբ․
«Աշխատում ենք Երեւանում ՀԱՅԱ փառատոնի համերգը տեղափոխելու ուղղությամբ։ Փորձում ենք նշանակել ավելի նպատակահարմար ամսաթիվ, որը կհայտարարենք շուտով»,-ասվում է երգչուհու գրառման մեջ։
Ագիլերայի երեւանյան մենահամերգը նախատեսված էր հոկտեմբերի 22-ին, սակայն հաշվի առնելով սեպտեմբերի 13-ին Հայաստանի սահմանին բռնկված պատերազմը` երգչուհու թիմն ու ՀԱՅԱ փառատոնը որոշել են հետաձգել համերգը` կիսելով հայերի հոգեվիճակը։ Ըստ հայտարարության՝ համերգի նոր ամսաթիվը կհրապարակվի առաջիկայում։ Բոլոր գնված տոմսերն ուժի մեջ են։