Marc Jacobs-ն ու doublet բրենդը ցուցադրել են համատեղ հավաքածուն
15:11 13 նոյեմբերի, 2022Մարկ Ջեյքոբսը համագործակցել է doublet ճապոնական ապրանքանիշի հետ, որը հիմնադրվել է 2018 թվականի LVMH Prize դափնեկիր Մասայուկի Ինոյի կողմից: Գովազդային արշավի նկարահանումներին մասնակցել է ինքը՝ Ջեյքոբսը։ Լուսանկարների հեղինակը Իտտեցու Մացուոկան է։Այս մասին հայտնում է Hypebeast–ը։
Հավաքածուն շատ վառ է ստացվել․ այն ներառում է մետաքսե զգեստներ, փայլերով տոպեր, գամասեղներով բաճկոններ եւ ընձառյուծե պրինտով կարդիգաններ։ Գունապնակը՝ վարդագույն, մանուշակագույն, նարդոս եւ կապույտ:
Հագուստի որոշ իրեր պատրաստված են վերամշակված նյութերից, օրինակ՝ պայուսակների շղթաները վերցվել են մեքենաներից։ Մասայուկի Ինոն որոշ իրերի վրա նաեւ ձեռքով կարել է փուչիկներից տառեր։ Դրանք համընկնում են ապրանքանիշի անվան հետ:
