Փորձի ժամանակ վագրը հարվածել է Էդգարդ Զապաշնինն․ արտիստը հոսպիտալացվել է (վիդեո)
23:01 15 նոյեմբերի, 2022Մոսկվայի պետական կրկեսի գլխավոր տնօրեն Էդգարդ Զապաշնին Telegram-ի ալիքում հայտարարել է փորձի ժամանակ ստացած վնասվածքի մասին։
Արտիստի վրա փորձերի ժամանակ երիտասարդ վագր է հարձակվել։ Արդյունքում կենդանին վնասել է վարժեցնողի դեմքը։ Զապաշնին հոսպիտալացվել է։ Կրկեսի տնօրենը պարզաբանել է, որ վնասվածքն ամբողջությամբ իր մեղքով է եղել։
«Նա (վագրը) չէր հարձակվել ինձ սպանելու համար: Նա պարզապես թափահարեց թաթը, եւ այդ ժամանակ ինձ շեղեց երիտասարդ օգնականս», - հայտնել է Զապաշնին:
Աղբյուրը՝ Gazeta.ru