23:11 16 նոյեմբերի, 2022
Princess Diaries ֆիլմը 2000-ականների ամենահայտնի էկրանավորումներից է, որը մեծ տարածում է գտել՝ թռիչքային կարիերա ապահովելով երիտասարդուհի դերասանուհի Էն Հեթուեյի համար:
Այսօր հայտնի դարձավ, որ ֆիլմը, որը պատմում է 16 տարեկանում իր արքայական ծագման մասին տեղեկացած աղջկա մասին, 3-րդ մաս կունենա:
News.am STYLE -ը ձեզ կերկայացնի մի քանի հետաքրքիր փաստ ֆիլմի մասին:
- Գլխավոր հերոսուհուն մարմնավորող դերասանուհի ընտրվելիս Էն Հեթուեյին շատ են օգնել իր վարսերը: Պետք է նշել սակայն, որ դերասանուհու ընտրության հարցում մեծ են եղել նրա տաղանդի եւ խարիզմայի դերը: Նա ընտրվել է առաջին լսումների ժամանակ`առանց տեսարան փորձելու:
- Ֆիլմում արքայադուստեր սեղանին դերասնուհու հոր`Ջերալդ Հեթուեյի լուսանկարն է, ով էլ մեկ դրվագում մարմնավորել է մահացած գահաժառանգին:
- Այն, որ Ջենովիան ֆիլմի շնորհիվ հայտնի դարձավ իր հայտնի տանձ մրգով, դերասանուհի Ջուլի Անդրյուսի մտահաղացումն է եղել:
- Հայտնի է, որ ֆիլմի նկարահանումների ընթացքում ռեժիսորը տոն է դարձրել դերասանական կազմի ու աշխատակցի ցանկացած անդամի ծննդյան տարեդարձը: Դրանք բոլորը նշվել են մեծ շուքով:
- Արքայադուստր Միայի կատվին մարմնավորել են 4 կատուներ, որոնցից մեկը դերասանուհունն է եղել
- Ֆիլմն ի սկզբանե պիտի կոչվեր Princess of Tribeca եւ պիտի նկարահանվեր Նյու Յորքում, սակայն գրքից տարբերելու համար այն նկարահանվեց Սան Ֆրանցիսկոյում`փոխելով վեպի անունը:
- Թագուհու թիկնապահ Ջոյին մարմնավորող դերասան Հեկտոր Էլիզոնդոն խաղացել է ռեժիսոր Գարի Մարշալի բոլոր ֆիլմերում:
- Առաջին ֆիլմում երեկույթի ժամանակ արքայադստեր կրած զգեստը Շվեդիայի գահաժառանգ արքայադստեր երեկոյան զգեստի կրկնօրինակն է: Արքայադուստր Վիկտորիան այն կրել է 1997 թվականին՝ Նոբելյան մրցանակի գալայի ժամանակ: Իսկ ֆիլմի երկրորդ մասից հայտնի հարսանեկան զգեստը`Բելգիայի արքայադուստր Քլեյրի հարսանեկան զգեստի կրկնօրինակն է:
- Թագուհու օգնականի՝ Շառլոտի կերպարը մարմնավորում է ռեժիսորի դուստրը՝ Քեթլին Մարշալը:
- Ֆիլմի առաջին մասում դեսպանատանը մատուցված ընթրիքի ժամանակ, երբ արքայադուստրը իրարանցում է առաջացնում, տեսարանում մատուցողին մարմնավորող դերասանը նույն կերպարը մարմնավորել է նաեւ Pretty Woman ֆիլմում: