Գյումրվա բարբառն ու հումորով հագեցած երգերը հասան նաեւ Մոսկվա։ Վերջին շրջանում Հայաստանում մեծ հետաքրքրություն ու սեր վայելող Hayat Project-ը Ռուսաստանի մայրաքաղաքում հանդես եկավ առաջին մենահամերգով։ Խմբի համերգը կայացավ նոյեմբերի 13-ին՝ «Известия hall»-ում։
Hayat Project-ի մոսկովյան համերգը ռուսաստանաբնակ հանդիսատեսի համար իրականություն դարձավ պրոդյուսեր Սոֆիա Ղուլյանի ջանքերով։ Նա NEWS.am STYLE-ին տրամադրել է համերգի ֆոտոշարքն ու պատմել մանրամասները։
Սոֆիայի խոսքով՝ խմբի համերգի տոմսերը շատ կարճ ժամանակում էին սպառվել, իսկ երեկոն անցել է ջերմ ու անմիջական մթնոլորտում՝ հայտնի հիթերի ուղեկցությամբ։ Համերգին հանդիսատեսը երգել ու պարել է խմբի անդամների հետ, ներկա են եղել նաեւ հայտնի արտիստներ ու բլոգերներ։ Համերգային երեկոն չի անցել առանց հատուկ անակնկալի։ Բեմում, անսպասելիորեն, հայտնվել է Սոֆի Մխեյանը, որը կատարել է ինչպես Hayat Project-ի հետ հայտնի դարձած «Ամպերից վեր» զուգերգը, այնպես էլ իր երգացանկից այլ սիրված ստեղծագործություններ։
Միջոցառման տրամադրությունը՝ ֆոտոռեպորտաժում։
Սյունե Առաքելյան