Դերասանուհի Եվա Մենդեսը պատահաբար ասել է, որ դերասան Ռայան Գոսլինգը դարձել է իր ամուսինը։ Զույգը միասին է ավելի քան 12 տարի։
«Today» հեռուստաշոուում Մենդեսը խոսել է Ավստրալիա կատարած ուղեւորության մասին եւ, խոսելով Գոսլինգի մասին, նրան անվանել է՝ «իմ ամուսինը»։
«Այստեղ բոլորն այնքան հյուրընկալ են, եւ իմ ամուսինը՝ Ռայանը նույնպես այստեղ է։ Մենք հիանալի ժամանակ ենք անցկացնում», - դերասանուհու խոսքերը մեջբերումէ Daily Mail-ը։
Գոսլինգն ու Մենդեսը միասին են արդեն 12 տարի։ Զույգը երկու ընդհանուր դուստր ունի՝ ութամյա Էսմերալդան եւ վեցամյա Ամադան։ Բայց, մինչ այժմ արտիստները պաշտոնապես չէին ամրագրել հարաբերությունները։