Համացանցում քննադատության է արժանացել Balenciaga-ի գովազդային արշավը, որում երեխաները պատկերված են ԲԴՍՄ-ի հանդերձանքով խաղալիքներով
15:30 23 նոյեմբերի, 2022Ֆրանսիական Balenciaga նորաձեւության տան գովազդային արշավը, որը ցուցադրում է ընտանի կենդանիների համար ստեղծված իրերի հավաքածուն, քննադատության է արժանացել համացանցում: Twitter-ում մարդիկ քննադատել են լուսանկարները, որոնցում երեխաները խաղում են ԲԴՍՄ-ի (Սեռահոգեբանական շարժում, որը հիմնված է սեքսուալ հարաբերությունների վրա, արտահայտվում է կաշվե գոտիների, շղթաների եւ նմանատիպ իրերի օգտագործմամբ: խմբ.) հանդերձանքով խաղալիքներով:
Balenciaga using photos of little girls playing with teddy bears dressed in bondage gear on their website. Lovely. pic.twitter.com/mYnt0CJuif
— Slarty Bartfast (@DatCatDer) November 20, 2022
«Balenciaga-ն իր կայքում օգտագործում է փոքր երեխաների լուսանկարներ, որոնք խաղում են ԲԴՍՄ-ի հագուստով արջուկների հետ: Հիանալի է», - ծաղրել է օգտատերերից մեկը:
Այլ օգտատերեր նույնպես իրենց կարծիքն են հայտնել՝ գրելով. «Դա միանշանակ տարօրինակ է եւ անհանգստացնող», «Վախեցած, շփոթված փոքրիկները մահճակալների վրա՝ սեքս խանութների հանդերձանքով խաղալիքներով», «Չկա որեւէ արդարացում, որի համաձայն երեխաները եւ ԲԴՍՄ իրերը կարող են նույն լուսանկարում լինել»: