Գերմանական Zeitsprung Pictures ընկերությունը կնկարահանի հայտնի «Էյֆորիա» հեռուստասերիալի ռեմեյքը։ Այդ մասին հայտնում է Variety-ն։
Օրիգինալ տարբերակն արտադրվել է Tedy Productions-ի կողմից եւ հեռարձակվել իսրայելական HOT հեռարձակողի կողմից: Այնուհետեւ հաջորդել է HBO-ի կողմից շոուի ամերիկյան ադապտացիան՝ Զենդայայի, Ջեյքոբ Էլորդիի եւ Սիդնի Սուինիի մասնակցությամբ։
«Մենք ուրախ ենք, որ «Էյֆորիա»-յի հսկայական հաջողությունը շարունակում է արձագանք գտնել աշխարհում եւ ոգեւորված ենք այս նոր համագործակցությամբ», - ասել է HOT-ի ներկայացուցիչը:
«Էյֆորիա»-յի HBO-ի տարբերակը պատմում է 17-ամյա Ռու Բենեթի մասին, ով տուն է վերադարձել վերականգնողական կլինիկայից։ Ժամանակ չվատնելով՝ նա նորից սկսում է իր հին սովորությունները՝ թմրանյութերն ու խնջույքները: Սակայն քաղաքում Ջուլսի հայտնվելը Ռուի համար հույսի նշան դառնում։
Լուսանկարը՝ HBO