Ջենիֆեր Լոպեսը երգ է նվիրել Բեն Աֆլեքին

20:16   28 նոյեմբերի, 2022

Դերասանուհի եւ երգչուհի Ջենիֆեր Լոպեսը հայտարարել է նոր երաժշտական ​​ալբոմի մասին, որը կկոչվի «This is me... Now»։ Երգչուհին այն նախատեսում է թողարկել 2023 թվականին։ Ութ տարվա ընդմիջումից հետո սա կլինի երգչուհու առաջին աշխատանքը։

Ջեյ Լոմ ներկայացրել է երգերի ցուցակ, որը ներառում է «Սիրելի Բեն. մաս 2», որը նախորդ ալբոմի «Dear Ben» ստեղծագործության յուրատեսակ շարունակությունն է, եւ նվիրված է Բեն Աֆլեքին։

Ջենիֆեր Լոպեսն ու Բեն Աֆլեքը ամուսնացել են այս ամառ՝ երկու տասնամյակ անց կրկին հանդիպելուց հետո։ «Մենք արեցինք դա։ Սերը հիասքանչ է։ Սերը բարի է։ Եվ պարզվում է, որ սերը համբերատար է։ Մենք անցյալ գիշեր ուղեւորվեցինք Վեգաս։ Լիցենզիա ստանալու համար չորս այլ զույգերի հետ հերթ կանգնեցինք։ Բոլորը նույն ճանապարհորդության մեջ էին դեպի աշխարհի հարսանյաց մայրաքաղաք: Մեր առջեւ երիտասարդ զույգ էր, որը երեք ժամ ճանապարհ է անցել Վիկտորվիլից իրենց դստեր երկրորդ տարեդարձի կապակցությամբ: Մենք բոլորս նույն բանն ենք ուզում՝ աշխարհը մեզ ճանաչի որպես զուգընկերներ եւ մտադիր ենք բոլորին հայտարարել մեր սիրո մասին՝ հնագույն եւ գրեթե համընդհանուր խորհրդանիշի միջոցով»,- այն ժամանակ հայտարարել էր Ջենիֆեր Լոպեսը։



© NEWS.am STYLE