«Սկսեցի կարոտել «Մանկական Եվրատեսիլ»-ի իմ օրերը, երբ ինձ համար ամեն բան դեռ նոր էր սկսվում». Մալենա (ֆոտո)
14:24 6 դեկտեմբերի, 2022Երիտասարդ երգչուհի Մալենան, ով Հայաստան բերեց «Մանկական Եվրատեսիլ 2022» միջազգային երգի մրցույթը, ինստագրամյան իր էջում անդրադարձել է մրցույթի երեկ տեղի ունեցած բացման արարողությանը:
View this post on Instagram
Երգչուհին տեսանյութ է հրապարակել, որում, կարմիր գորգի վրայով անցնելով, մոտենում է բեմահարթակին:
«Այս տարվա մասնակիցներին հանդիպելուց հետո ես սկսեցի կարոտել «Մանկական Եվրատեսիլ»-ի իմ օրերը, երբ ինձ համար ամեն բան դեռ նոր էր սկսվում...», - գրել է երգչուհին՝ հաջողություն մաղթելով բոլոր մասնակիցներին:
Հիշեցնենք, որ երեկ Երեւանի Հանրապետության Հրապարակում տեղի է ունեցել «Մանկական Եվրատեսիլ 2022»-ի բացման հանդիսավոր արարողությունը, իսկ Ազգային պատկերասրահի որմնանկարների սրահում՝ վիճակահանությունը: