Կարեն Դեմիրճյանի անվան մարզահամերգային համալիրում երեկվանից մեկնարկել էին «Մանկական Եվրատեսիլ 2022»-ի 16 պատվիրակների մրցութային փորձերը։ Հայաստանը ներկայացնող Նարե Ղազարյանի առաջին փորձը կայացել է այսօր։ «Մանկական Եվրատեսիլ»-ի՝ Armenia in Junior Eurovision ֆեյսբուքյան պաշտոնական էջում հրապարակվել են Նարեի փակ փորձից մի քանի կադրեր, որոնցում երեւում է, թե ինչ հագուստով է հայ մասնակիցը ներկայանալու գլխավոր շոուին։
«Այսօր Նարեի առաջին փորձն էր։ Նա անգամ բեմին ստիպեց պարել»,-ասվում է հրապարակման մեջ։
«Մանկական Եվրատեսիլ 2022»-ի գլխավոր համերգը տեղի է ունենալու դեկտեմբերի 11-ին՝ Կարեն Դեմիրճյանի անվան մարզահամերգային համալիրում։ Դրան կնախորդի ժյուրիի համար նախատեսված շոուն, որը տեղի կունենա դեկտեմբերի 10-ին։ Այն ներկայացում է նույն համերգային ծրագիրը՝ մեկ տարբերությամբ․ տվյալ օրը մրցույթի իրական հաղթողը չի որոշվում։
Նարե Ղազարյանն իր DANCE! երգը ներկայացնելու է 15-րդ համարի ներքո։