Անտուան Առնոն դարձել է Christian Dior-ի նոր գործադիր տնօրենը
10:21 10 դեկտեմբերի, 2022Անտուան Առնոն՝ LVMH Group-ի նախագահ եւ գլխավոր տնօրեն Բեռնար Առնոյի ավագ որդին եւ ռուս սուպերմոդել Նատալյա Վոդյանովայի ամուսինը, նշանակվել է Christian Dior-ի գործադիր տնօրեն։ Նա կփոխարինի Սիդնի Տոլեդանոյին։ Այդ մասին գրում է Reuters-ը։
Christian Dior SE-ն գրանցված ընկերություն է, որտեղ Առնոյի ընտանիքին պատկանում է LVMH-ի հիմնական մասը։ Նոր նշանակումը բարձրացնում է Անտուան Առնոյի հեղինակությունը խմբում, որը կազմված է Louis Vuitton եւ Christian Dior նորաձեւության տները։
73-ամյա Բեռնար Առնոն LVMH-ի գործադիր տնօրենն ու նախագահն է եւ հրապարակայնորեն չի նշել իր իրավահաջորդի անունը, որը կգլխավորի հսկայական կայսրությունը: Բեռնար Առնոն նախօրեին Forbes-ի վարկածով աշխարհի ամենահարուստ մարդկանց ցուցակում երկրորդ տեղն է զբաղեցրել։ Նրա կարողությունը գնահատվում է 184,7 միլիարդ դոլար։