«Դրանք երջանկության արցունքներ էին». Նարեն՝ «Մանկական Եվրատեսիլ»-ում 2-րդ տեղը զբաղեցնելու մասին (ֆոտո/վիդեո)
23:36 11 դեկտեմբերի, 2022«Մանկական Եվրատեսիլ 2022»-ի ավարտից հետո Հայաստանի ներկայացուցիչ Նարե Ղազարյանը լրագրողների հետ հանդիպմանը կիսվեց իր ապրումներով ու տպավորություններով։ Երգչուհին հայտնեց, որ ուրախ է Ֆրանսիայի հաղթանակի համար, իսկ երկրորդ հորիզոնականում հայտնվելուց հետո երջանկության արցունքներ է ունեցել։
«Քվեարկության ժամանակ հուզվել էի, բայց հիմա շատ ուրախ եմ, դրանք երջանկության արցունքներ էին: Սպասում էի, որ արձագանքը շատ մեծ կլիներ, որովհետեւ պրոֆեսիոնալ թիմի հետ էի աշխատում»։
Անդրադառնալով իր զբաղեցրած հորիզոնականին՝ երգչուհին հավելեց․
«Ես ռեալիստ եմ ու քաջ գիտակցում եմ՝ եթե 2-րդ հորիզոնականում եմ, ուրեմն արժանի եմ դրան: Ուրախ եմ, որ Ֆրանսիան հաղթեց, քանի որ շատ լավ ելույթ ունեցավ ու արժանի էր դրան: Ցանկանում եմ, որպեսզի սա լինի իր կարիերայի ամենափոքր հաջողությունը»։
Նարեն նաեւ խոսել է մյուս մասնակիցների հետ ընկերանալու ու իր հետագա ծրագրերի մասին։ Մանրամաները՝ NEWS.am STYLE-ի տեսանյութում։
Սյունե Առաքելյան,
Մելինե Տոնոյան
Լուսանկարները՝ Արսեն Սարգսյանի